LIFE is a JOURNEY

上回講到, 幾經辛苦去到大觀園，之後就繼續搭環保車去袁家界風景區。

袁家界風景區其實就係聲稱係阿凡達懸浮山嘅場景黎，咁最近果套《鎌倉物語》裡面黃泉嘅場景都係用嘅到作為藍本。

落到去嘅個咁出名嘅風景區，終於都遇到好多好多好多嘅旅行圑，人患嘅開始。
遊客多，自然就會有唔少賣野食嘅地方，行咗一朝，真係要食返D野。

呢串係山雞串，唔記得幾多錢，但好好味。其實朋友仲買咗兜薯仔，但冇影到。

醫完肚就開始跟住人潮行。

首先會見到中國典型景點之一「天下第一鎖」。
拿，真係除咗呢個咁大個金色嘅鎖之外，我真係唔知有咩特別

咁我地就繼續行過去，諗住去揾另外一個景點—「天下第一橋」，點知行極都揾唔到...
結果要行去揾返個路牌望下

其實....我地一早就去咗果個「天下第一橋」，當我地行去「天下第一鎖」嘅時候，中間連住嘅就係「天下第一橋」，而如果我地係要睇「天下第一橋」，就要去果個叫「觀天下第一橋」嘅位置。

各位，登登登凳..「天下第一橋」

我望住佢，第一個反應就係「吓」....然後就「哦」，就係咁.......

接住就係稱係阿凡達懸浮山嘅場景

說實在真係冇朝早係天子山咁靚，但都叫宏偉嘅。

呢隻係...富有中國色彩嘅阿凡達。

「大地在我腳下」

其實係袁家界呢邊，有好多馬騮，D馬騮望落去都好得意嘅

之但係，D玻璃心人士就真係唔知點解好_鍾意餵野食，又冇常識咁係D馬騮面前開野食黎食，然後D馬騮就會發哂顛咁搶，然後D人就不停咁大叫......真係好_炆架。
所以呢，人患嘅景點真係唔啱我...

去完袁家界，就再坐車去楊家界嘅烏龍寨。

烏龍寨有別於之前嘅景區，首先要行落去山谷...之後先見到上面幅相嘅烏龍寨入口....
然後就要再上樓梯...
其實係呢一刻，我係真心想放棄，我已經同個FD講，我坐係到等你落黎
但係朋友嘅欺騙下，話仲有幾百米，好快架JA...就又繼續行埋上去
 

結果係要爬石...

我本人就真係去到後面個亭就停咗...放咗個FD上去自己繼續去天波府

得一個人身位嘅路。

就係咁,,等埋個FD去完落返黎，去返山谷又行返唔知幾多級樓梯上去，中段決定要買枝雪條食住行。

最後行程就去搭百龍天梯落返山。
因為我地係最遲入LIFT，結果乜都睇唔到.................咁就白白浪費咗80蚊人民幣...

Post from RICOH THETA. - Spherical Image - RICOH THETA

其實落到去下面，其實都幾震撼，因為係被峰林石山圍繞住。
 

之後就企住咁搭返環保車去武陵源嘅入口。

小故事:
話說張家界國家公園係有幾個出入口，而相距都好遠下，園方其實好好咁有唔同嘅環保車去唔同嘅出入口。
話說搭完百龍天梯，公園都差唔多D關門，咁係等環保車嘅時候，見到係去武陵源入口嘅就上車。架車行到一半路程左右，有位大媽問司機係咪去XXX(唔記得咗邊到，但一定唔係武陵源)
咁司機就答佢唔係啦，要去XXX, 一陣你落到車再轉的士
然後位大媽就話要司機車返佢地去果個入口...咁司機緊係彩佢都傻啦，車埋呢轉出武陵源就收工，同埋人地架車都唔係行果面...

武陵源入口

之後食埋飯，落咗去大廳到飲老闆涼沖嘅茶，玩下狗仔，就返上房lu..

老闆涼沖嘅茶好好飲，回甘架~

呢隻金毛仔仔好嗲人