上回講到順利入境
拎咗行李就行出去揾司機~
機場勁細, 一下出去就門口咁制,大堂得一、兩間兌換店
揾到司機兼導遊,第一件事就問下洗唔洗唱錢,定其實用美金就可以
司機就話用美金就得,然後我話要去買SIM卡~
所以去Lodge前,要先入Arusha Town
SIM卡去咗買AIRTEL,30GB14日,承惠17美金
買SIM卡搞勁耐~又要影護照登記,因為應該係要做實名制~
But Whatever,我要上網就得
17美金,我俾20美金,你估佢會找返3蚊美金俾我!?
唔會啦~佢找咗6000 Tazanaia Shillings俾我~
買完電話卡,上到網,導遊就話而家去買LUNCH BOX, 因為要去到LODGDE都已經4-5點~
就係咁,就去咗間HOSTEL嘅CANTEEN物體,叫我自己啱就拎
結果,全部...全部都係炸咗嘅碳水化合物
所以我拎咗少少就算,有個DONUTS,炸春卷同一個唔知炸乜野麵包咁
就係咁,買完個所謂LUNCH就上返車出發去LODGE~
頭兩晚我都會住係Maramboi Tented Lodge
經過3個幾4個鐘嘅車程,終於都去到Lodge
Check-in有Welcome drinks同小蛋糕
然後講解完幾點早餐,Dinner,點拎Lunch Box,同有咩留意之後
就帶我去我間房,或者叫屋!?
呢間就係頭兩日會住嘅Lodge,叫Kudu
呢到唔同嘅房,都會用唔同嘅動物黎命名
所以Kudu係一種動物黎~遲D就會見到佢真身~
房入面,係咁嘅~
望落幾靚架~其實同官網真係差唔多~
但留意返,冇冷氣~所以下午係房會有D熱
因為第一日黎到,已經冇咩時間出去Safari,所以基本上都係喺房HEA到夠鐘先出去食DINNER~
我就坐咗係張梳化到睇書HEA~
我都好想行出露台坐,但真係好曬好熱,所以..不了。
出面嘅風光~呀~如果住前面果排就好....
廁所,沖涼都唔錯,乾乾淨淨
有風筒表示好開心~~
或說下午真係有D熱,所以開住個風扇HEA啦~點知HEA HEA下停咗電~話係正常喎,夜D就會有返電~
其實每一間房嘅電,其實係由房出面嘅太陽能板黎嘅~
當日第一日,其實都冇諗過會見到野生動物動物~
點知我係梳化HEA HEA下,聽到出面有聲~
然而一望出面,見到有動物!!
即刻9秒9拎相機走出露台~
佢係Impala,係未來兩日,我係不停咁見到佢地..=0=
影完佢地走咗,我就返咗入去HEA~HEA HEA下,又聽到聲~
今次係彭彭!!
影呀影,然後發現老遠有一批斑馬
然後去到七點半,就準備去食飯
因為天已經黑哂,所以出房門行去餐廳係要打電話叫STAFF護送出去
因為D動物會自由活動,隨時經過
係星光下食燭光晚餐~好似好浪漫咁
現實係...
所有小飛飛都會飛去枝燈到
有光嘅地方就會見到蟲仔~But, this is AFRICA!!!!
好啦~黎之前大家都好好奇有咩食~
拿,玩SAFARI都係D高消費嘅活動
呢間住宿仲要係屬於Mid-range,唔通佢會俾D地道非洲菜你食咩~
今晚呢餐都係自助餐形式,西式為主~
有生果,飯,通粉,牛肉,燒魚,菜...bla bla bla
呢間LODGE嘅食物水準真係一流,勁好食,完全冇唔啱食嘅問題~
然後突然STAFF拎咗呢碟野過黎~孤陋寡聞嘅我,有冇人可以話我知係咪真係齋啪=0=
而話說我個PACKAGE係包埋啤酒,咁冇理由唔試一試~
呢間有Kilimanjaro啤,即係我係飛機勁多人要影果座山~
成餐飯,D STAFF都勁NICE,不停問你D野食O唔OK
咁當然例牌菜問你邊到黎~答完from HK,就會問係咪China =0=
然後就不停同你講普通話
而每一次都要解釋我唔係講普通話,我講廣東話同英文
But...佢地都照係同你講普通話
當食到差唔多,個Guide唔知係邊到彈出黎,就交待下聽朝幾點出發,我有冇D咩動物想睇~
你問到,我就當然答BIG5同Rhino啦~
咁佢就話聽日我地就目標去揾咗呢D先~但Rhino呢,就未必係聽日個National Park到睇到啦~
交待完,我又食完
我就去揾STAFF ESCORT我返房
返到去就終於可以沖個涼啦~而話說係話有熱水....BUT........
唔知點解D水...一D都唔熱..佢個分別係凍水,同冇咁凍嘅水
結果,我沖咗個冇咁凍嘅水涼.....冇嘅,頂硬上啦~
第一日係坦桑尼亞就完咗啦~
聽日!!!!!! 真係去揾動物啦~~~
留言列表